سنة 2019 خلصت بس سابت لنا إطلالات فنانات مميزة في مهرجانات كتير. لو بتدوري على موديلات فساتين سهرة أو فساتين سواريه ناعمة للمناسبات، هتلاقي هنا تصميمات وموديلات فساتين ملهمة .. منها فساتين سهرة طويلة وقصيرة. كتبنا لك مع كل فستان دار الأزياء أو المصمم اللي عمل الفستان عشان تقدري كمان تشوفي كل تصميماته لو حبيتي زي المصمم العالمي زهير مراد وإيلي صعب.
فساتين سهرة من مهرجانات عالمية برا مصر
فساتين سهرة – تصميم إيلي صعب – gettyimages
إيلي صعب مصمم أزياء لبناني عالمي بيبهر العالم كله بتصميماته. جريء إن بنت سمرا تلبس أحمر؟ إيلي صعب حلّها في التصميم اللي أكلت به جنييفر هادسون في حفلة الأوسكار 2019.
فساتين سواريه – آتيليه فيرساتشي – gettyimages
لون الكريم دو بيش طالع موضة شتاء 2020، وهو لون إطلالة كيكي لاين في حفلة الأوسكار 2019.
فساتين سواريه – تصميم ديور – gettyimages
بطل الأوسكار في 2019 كانت الألوان الفاتحة وهنا رايت لابسة فستان شامبين ومطرز.
فساتين سهرة .إيمي آدامز. آتيليه فرساتشي. gettyimages
إيمي آدامز جابت أول درجة في الفواتح، أيوة الأبيض، طلت بالأبيض في الأوسكار وأذهلت الناس.
فساتين سواريه .ريجينا كينج. أوسكار دي لا رينتا. gettyimages
مش بس إيمي آدامز اللي طلت بالأبيض في أوسكار 2019، كمان ريجينا كينج طلت بالأبيض لكن صريح وسادة.
أوكتافيا سبينسر. تصميم كريستيان سيريانو. gettyimages
لو بتدوري على فساتين سهرة للممتلئات، فأوكتافيا سبينسر لبست واحد من أجمل الفساتين في حفل الأوسكار 2019.
فساتين الأوسكار – ماريون كوتيار – تصميم شانيل
ماريون كوتيار كانت ضيفة المهرجان الدولي للفيلم بمراكشو وتألقت بفستان من تصميم شانيل.
مهرجانات عالمية مصرية
فساتين سهرة – أروى جودة – مهرجان الجونة
في مهرجان الجونة 2019، كتير من النجمات لبسوا في الافتتاح ألوان فاتحة أقرب للأبيض off-white وكان من ضمن الإطلالات المميزة منهم أروى جودة.
إنجي المقدم. مهرجان الجونة. تصميم Kojak Studios
إنجي المقدم كمان لبست off-white من تصميم مهند كوجاك.
فساتين سواريه – رايا أبو راشد – مهرجان الجونة
رايا أبي راشد كانت في غاية الشياكة في مهرجان الجونة بفستان فاتح.
فساتين سهرة – تارا عماد – مهرجان الجونة.
تارا عماد اختارت اللون الشامبين في فستانها في افتتاح مهرجان الجونة.
نسرين طافش. مهرجان الجونة. صور فساتين سهرة
ومن الـoff-white للألوان الفاتحة. نسرين طافش في مهرجان الجونة تألقت بلون ليلاه وتصميم رقيق وراقي.
درة. مهرجان الجونة. تصميم زهير مراد.
درة المعروفة بطلاتها الجميلة لبست لون لبني في تصميم رائع من زهير مراد.
بشرى. مهرجان الجونة. تصميم سعيد رمزي
أما في الغوامق، فبشرى كانت إحدى الفنانات اللي تألقوا بلون غامق وتصميم رائع من سعيد رمزي في مهرجان الجونة.
فساتين سهرة – مهرجان الجونة – تصميم Mohra Couture.
بسمة تألقت بفستان أسود قصير مع ديل شفاف ومطرز بستارز فضي من تصميم مهرة كوتور.
لارا اسكندر. مهرجان الجونة. تصميم نيكولاس جبران
أما لارا اسكندر فلبست من تصميم نيكولاس جبران فستان غامق من القطيفة وكان اللون مع الخامة خالقين حالة رائعة.
مي عمر. مهرجان الجونة. تصميم زهير مراد.
أما مي عمر فكانت من بين إطلالاتها الكتير فستان جميل وهادي من تصميم زهير مراد.
هنستنى في التعليقات تقولوا لنا أكتر تصميم عجبكم ونفسكم تجربوه.
