أفضل 6 تمارين لتكبير الصدر في البيت سريعًا

سواء كنتي بنت وصدرك صغير أو أم  في فترة الرضاعة أو بعد سن معين، الصدر شكله بيتغير وبيترهل. كتير بنحاول نلبس براهات تحسن الشكل تحت الهدوم، لكن ده بيبقى حل مؤقت في الخروج بس. علشان كده كلنا بنيتدي ندور على منتجات وكريمات لتكبير الصدر أو عمليات تجميل أو رياضة و تمارين تكبير الصدر .. هنا في المقال ده، هنقول لك تمارين لتكبير الصدر طبيعياً تقدري تعمليها في البيت سواء باستخدام تمارين بأوزان أو من غيرها، هتحسي بفرق بعد أسابيع قليلة.

 

قبل ما نقول لك تمارين تكبير وشد الصدر وشده، نحب نقول لك إن الموضوع مش خرافة. الثدي بيبقى فيه نسيج دهني (وده التمارين ما بتساعدش فيه قوي) وبيبقى فيه عضلات حواليه وتحته (هي دي اللي بتستهدفها التمارين). ما نقدرش نوعدك إن مقاس البرا هيتغير، لكن الأكيد إن الشكل هيبقى مشدود وجميل بعد أسبوعين من بداية التمارين.

 

 أفضل تمارين لتكبير الثدي وشده من غير أوزان

 

• تمارين الضغط العادي

تمرين الضغط اللي كلنا عارفينه بيفيد جدا في شد وتكبير الصدر.

1. يكون جسمك موازي للأرض، بحيث تكون الكفين مفرودين على الأرض وصوابع رجلك ساندة على الأرض.
2. بتنزلي بجسمك ناحية الأرض.
3. كرري التمرين عشر مرات.

 

• تمارين عضلة الترايسيبس

التمرين بيقوي عضلات الصدر وبيرفعه.

1. اقعدي على كرسي وضهرك مفرود.
2. اسندي ايديكِ على الكرسي.
3. ركزي وزنك على الايدين والرجلين وانزلي من على الكرسي لتحت.
4. ما تلمسيش الأرض إلا برجليكي.
5. ارفعي جسمك لفوق تاني.
6. كرري التمرين عشر مرات.

لو أنتي حامل ممكن تشوفي هنا بالفيديو: أفضل تمارين يوجا لتسهيل الولادة الطبيعية

 

تمارين لتكبير الثدي وشده بالأوزان

• تمارين الضغط بالوزن
  

  التمرين ده بيشتغل على شد عضلات الصدر والدراعين، وبيركز على الجزء العلوي من عضلة الصدر ومن أفضل تمارينتكبير الصدر في البيت.

 

1. بتنامي على ضهرك على شيزلونج أو أي سطح مستوي.
2. بتشيلي الأوزان بحيث يكون الدراع مفرود فوق الصدر.
3. بتنزلي الأوزان في إتجاه الصدر.
4. كرري التمرين عشر مرات.

 

• تمارين الضغط على سطح مائل

التمرين ده زي اللي فوق لكن بيكون السطح مايل بدرجة 45 درجة عن الأرض. بيساعد في الشد بشكل أكبر وفعاليته أعلى.

1. بتنامي على ضهرك على أي سطح مائل بنسبة 45 درجة.
2. بتشيلي الأوزان بحيث يكون الدراع مفرود فوق الصدر.
3. بتنزلي الأوزان في إتجاه الصدر.
4. كرري التمرين عشر مرات.

 

• تمارين ضغط الأكتاف
  

  التمرين ده بيقوي الدراعين وعضلات الصدر والأكتاف.

1. وانتِ واقفة شيلي الأوزان.
2. ارفعي الدراع من الكوع قربيه لصدرك وبعدين افرديه.
3. بدلي بين الدراعين.
4. كرري التمرين عشر مرات.

 

 

• تمارين الكتفين للخارج

التمرين ده بيشد الصدر جدًا وبيخلق شكل لطيف وجذاب.

 

1. وانتِ قاعدة على كرسي وفاردة ضهرك، شيلي الأوزان.
2. خلي دراعاتك ثابتة بشكل 90 درجة لكل دراع من عند الكوع.
3. ضمي الدراعات لداخل الصدر وارجعي للوضع الأول.
4. كرري التمرين عشر مرات.

 

مجموعة تمارين شد وتكبير الصدر دي تقدري تدمجي بين أي تمارين منها وتعمليها لمرتين أو تلاتة في الأسبوع، عشان تلاقي نتيجة تحبيها بعد أسبوعين. وخلي دايمًا أكلك صحي عشان دهون الجسم تفضل في معدلات معقولة.

 

المصادر :

Women’s Health Magazine
مجلة سيدتي