محتويات المقال
كل الأطفال من بداية للولادة معرضين إنهم يتعرضوا للالتهابات والتسلخات في منطقة الحفاض، وأسباب تسلخات الحفاض بتكون كتيرة زي الإسهال ، البلل ونوع الحفاض غير المناسب لبشرة طفلك وطبعًا وأعراضها بتكون مزعجة جدًا ليهم وأوقات كتير ممكن تخليهم ميعرفوش يناموا.. في الموضوع ده هنعرفك على أفضل كريمات تسلخات الأطفال الحفاض وأسعارها.
أفضل كريمات تسلخات الأطفال لمنطقة الحفاض
- Baby Dara
- Mustela Barrier Cream
- Sanosan Ointment Diaper Cream
- Desitin Cream
- Sudocrem
- Zinc Olive
- Care By Care
- Palmer’s Bottom Butter
- Mebo Cream
قبل ما نعرفك على الأنواع، بنحب نفكرك إن كل طفل بيختلف عن التاني فممكن الكريم اللي نرشحه ليكي ميكونش مناسب لبشرة طفلك، عشان كده لازم تستشيري دكتور الأطفال اولًا قبل ما تستخدميه وخصوصًا لو اللالتهابات دي بتتكرر لازم تعرفي الأسباب وأفضل طريقة للعلاج والوقاية.. كمان بنفكرك إن الأسعار الموجودة في المقال ده ممكن تتغير من وقت كتابة المقال على حسب العروض أو الموزع.
Baby Dara
كريم بيبي دارا بمكوناته الآمنة على البشرة زي زيت الجوجوبا وزيت وأكسيد الزنك بيعمل طبقة عازلة على جلد طفلك عشان يحميه من البلل وأي إلتهابات وكمان مش بتحتاجي تستخدمي كمية كبيرة منه لإن كمية بسيطة بحجم عقلة الصباع أو أقل كافية جدًا لمنطقة الحفاض، سعر العبوة الـ125 جم ب 99 جنيه وكمان ممكن تستفيدي بخصم من كارت راحة بالي.
Mustela Barrier Cream
كريم موستيلا بيعالج اللإلتهابات وبيهدي بشرة الطفل وكمان ممكن تستخدميه كواقي من اللإلتهابات في المنطقة دي، سعره 180 لل 100 مل و125 لل 50 مل.
Sanosan Ointment Diaper Cream
كريم سانوسان بيتكون من زيت الزيتون وأكسيد الزنك والجليسرين ليه القدرة على تلطيف وتهدئة إلتهابات مكان الحفاض، سعره 115 لل150 مل
Desitin Cream
الكريم بيحتوي على نسبة عالية من أكسيد الزنك وقوامه سميك عشان يعمل زي حاجز للبلل عن بشرة طفلك، سعر ال75 مل ب80 جنيه.
مصدر الصورة: كارفور مصر
Sudocrem
إستخدامات السودوكريم متعددة زي علاج الحروق البسيطة والاكزيما وكمان إلتهابات الحفاض والتسلخات، سعره 320 جنيه لل 250 مل.
مصدر الصورة: سوق.كوم
Zinc Olive
الكريم بيتكون من زيت الزيتون وزيت الخروع وليه تأثير ملطف على الإلتهابات وكمان بيقلل من حدوث أي تسلخات عند كل مرة إستخدام، سعره 25 جنيه لل75 مل.
مصدر الصورة: شفاء.كوم
Care By Care
الكريم بيحمي البشرة من الجفاف والإلتهابات ومناسب لبشرة طفلك، سعره 35 جنيه لل100 حم؟
مصدر الصورة: Macro Group
Palmer’s Bottom Butter
الكريم بخلاصة البانثينول والزنك اوكسيد لعلاج إلتهابات الأطفال والوقاية من ظهورها، سعر ال125 مل ب 160 جنيه.
مصدر الصورة: نوون.كوم
Mebo Cream
كريم ميبو كله ممكونات طبيعية زي زيت السمسم وشمع العسل وليه تأثير قوي على طفح الحفاض الشديد، يفضل تستشيري الدكتور قبل إستخدامه كعلاج.
مصدر الصورة: روشتة.كوم
