أهم منتجات علاج القمل في مصر

القمل عبارة عن حشرة بتعيش فى فروة الراس وبتتغذى على الدم حجمها لا يتعدى حباية السمسم وللأسف ساعات ممكن نتلخبط بين بيض القمل وبين القشرة وإزالتها من الشعر بتكون أصعب من القشرة. أمهات كتير بتعاني من مشكلة القمل والصبيان مع اولادها وبتتمني لو تلاقي علاج للقمل في يوم واحد أو منتجات علاج القمل تكون من الصيدلية وتخلصها من القمل نهائيا لأن العدوى بتتنقل من شخص لآخر عن طريق التلامس أو الاحتكاك بالشخص المصاب أو استخدام أدواته الشخصية زي الفرشة والفوطة والملابس، وكمان بتكون مشكلة للأم وهي بتختار تسريحات المدرسة وللأسف الشديد الأطفال فى المدارس والحضانات أكتر عرضة إنهم يصابوا بيه بسبب الاقتراب والتلامس.

 

فى المقال ده هنعرفك على أفضل ادوية علاج القمل والصيبان من الصيدلية في مصر. ( ممكن شوفي هنا دليل أرقام تليفونات صيدليات القاهرة )

 

أسباب ظهور القمل والأعراض:

قلة النظافة الشخصية ممكن تكون من أسباب ظهور القمل لكنه ممكن يتنقل لشخص مهتم بالنظافة عادي بسبب الاحتكاك أو التلامس أو استخدام الأدوات الشخصية للشخص وأعراض الإصابة هي الحكة الشديدة اللي ممكن توصل للجروح والالتهابات فى منطقة الإحتكاك وأكتر الأماكن اللي بيظهر فيها هي مؤخرة الرأس وخلف الأذن.

 

كيفية التخلص والقضاء على القمل نهائيا:

لو اكتشفتي إن ابنك مصاب بالقمل لازم تبلغي الحضانة أو المدرسة لمنع انتشار العدوى بين الأطفال التانية وتحذير الأمهات التانية عشان ياخدوا احتياطاتهم، وتبدأى فورًا بالعلاج عشان تقللي خطر العدوى والآلام اللي بيسببها ومهم إنك تستشيري الدكتور الخاص بيكي عن أنسب المستحضرات للقضاء عليه زي الشامبو والسبراي وتواظبي عليهم بشكل يومي وبننصحك باستخدام مشط مخصوص بيتباع فى الصيدليات “مشط القمل” على شعر رطب لانه بيسهل رؤية القمل وبعد ما تمشطي الشعر المصاب لازم تعقمي كل الأدوات زي المشط والفرشاة وغسيل الملايات وتهوية وتعقيم المخدات عشان تتفادي نقل العدوى من شخص لآخر.. بعد العلاج بننصحك بالكشف على رأس طفلك يوميًا وممكن تستخدمي سبراي أو شامبو كإجراء وقائي بعد العلاج لمدة اسبوعين أو اكتر عشان تضمني التخلص منه تمامًا.

 

أفضل منتجات علاج القمل والصيبان من الصيدلية في مصر:

 

1. Black Lotus Lice Repellent Spray
2. Areej No more lice preventative spray and treatment
3. Nitolic
4. Parasidose anti lice
5.  BM Complete Kit

 

•  Black Lotus Lice Repellent Spray

• سبراي بيتكون من مكونات طبيعية زي زيت شجرة الشاي
  وزيت شجرة اللافندر بيساعد على المكافحة والقضاء على
  القمل.
• السعر: 75 جنيه.
• لينك الصفحة: https://www.facebook.com/blacklotusegypt/

 

هنا ممكن تشوفي … دليلك السريع للتخلص من قمل الشعر للأطفال نهائيًا

 

 

•  Areej No more lice preventative spray and treatment

• منتج طبيعي من الزيوت الطبيعية بيستخدم كعلاج والوقاية من القمل.
• السعر: 120 جنيه.
• لينك الصفحة: https://www.facebook.com/AreejAromatherapy/

 

• Nitolic

• منتج آمن بيتكون من: منتج علاجي للقضاء على القمل ومنتج للوقاية من العدوى.
• السعر: بيبدأ من 160 جنيه.
• لينك الصفحة: https://www.facebook.com/Nitolic-1524434184325175/

 

• Parasidose anti lice

 

• منتج للقضاء على القمل بيستخدم مرة واحدة كل 3 شهور للقضاء والوقاية منه.
• السعر: 155 جنيه.
• لينك الصفحة: https://www.facebook.com/Parasidose.Egypt/

 

 

•  BM Complete Kit

• مجموعة علاجية آمنة بتتكون من شامبو وسبراي للقضاء على القمل فى خلال 3 أيام ويستخدم الشامبو كمان للوقاية من العدوى.
• السعر للمجموعة: 240 جنيه.
• لينك الصفحة: https://www.facebook.com/BioMisr.pharmaceuticals/

 

القمل بيسبب قلق وخوف للأمهات وبيحصل لكتير من الأطفال ومش حاجة مقلقة ومش معناه قلة نظافة خالص لكن لازم تعلمي ولادك إنهم مينفعوش يشاركوا أدواتهم الشخصية مع حد ولو ظهرت الأعراض لطفلك استشيرى الدكتور إزاي تقضي عليه بأنسب المنتجات لبشرة ولادك.

 

“” سمعتي عن كارت راحة بالي .. ده أقوى كارت خصومات وتخفيضات للأمهات في مصر .. الكارت عليه أكتر من 2000 مكان ومحل بيقدموا خصومات من 10 – 30% على ألعاب أطفال، ملابس أطفال، مكياج، صيدليات، مدارس، حضانات، مكتبات، الشعر وأكسسوارات ومجوهرات ومنتجات العناية بالبشرة .. شوفي تفاصيل أكتر عن Rahet Bally Card هنا. “”

 

المصدر:
https://www.mayoclinic.org/ar/diseases-conditions/lice/symptoms-causes/syc-20374399