محتويات المقال
في الفترة الأخيرة اسم زبدة الشيا بقى متداول جدًا في عالم العلاجات الطبيعية سواء للعناية بالشعر أو العناية بالبشرة. ووصفاتها كتيرة جدًا غير إن فوائد زبدة الشيا كتيرة والمتنوعة. علشان كدا هنقدم لك في المقال دا مجموعة من فوائد زبدة الشيا للشعر والبشرة هتفيدك جداً.
إيه هي زبدة الشيا؟
التعريف العلمي إنها ناتج ثانوي من مستخلصات مكسرات الشيا اللي بتيجي من شجرة اسمهاVitellaria paradoxa اللي بتنمو في غرب أفريقيا. وعملية استخلاصها عملية معقدة وبتتكون من خطوات كتير بتستهدف إعداد الشيا نفسها لإنتاج الزبدة.
تاريخيًا تم توثيق إن زبدة الشيا تم استخدامها في مختلف جوانب الحياة في أفريقيا خلال القرن الرابع عشر. وحاليا منتشر استخدامها في العالم كله في الجوانب التجميلية.
بعد ما عرفنا إيه هي زبدة الشيا، هنتكلم عن الفوائد بتاعتها. مبدئيًا فوائدها الأساسية للشعر والبشرة بخصائصها المرطبة والمضادة للالتهابات وعلامات الشيخوخة والتجاعيد.
فوائد زبدة الشيا للبشرة
- ترطيب البشرة والوجه.
- مضادة للإلتهابات.
- مكافة علامات الشيخوخة وتجاعيد الوجه.
- فوائد زبدة الشيا لترطيب البشرة والوجه:
فيما يخص البشرة، خلال الدراسات الميدانية اللي قام بها مجموعة من المتخصصين على مجموعة من المتطوعين خلال استخدامهم لمنتج يحتوي على 5% بس من زبدة الشيا إنهم لاحظوا إن إحساسهم برطوبة بشرتهم استمر لحد 8 ساعات بعد دهنهم للمنتج ده على بشرتهم. ودراسات تانية لاقت إن زبدة الشيا لها أثر فعال في معالجة الإكزيما.
- زبدة الشيا مضاده للإلتهابات:
من فوائد زبدة الشيا اللي كشفت عنها الدراسات العلمية إن لها تأثير مضاد للالتهاب بسبب قدرتها على حماية البشرة من التفاعل مع المواد المثيرة للالتهاب، بسبب احتواء الشيا على مادة مركب الأميرين Amyrin اللي يعتبر مصدر موثوق جدًا لمقاومة الالتهاب.
- زبدة الشيا لمكافحة علامات الشيخوخة وتجاعيد الوجه:
دراسات عديدة قالت إن بفضل مركب الأمرين Amyrin زبدة الشيا ليها خصائص وقدرة على تجديد الخلايا وتأخير علامات الشيخوخة والتجاعيد وزيادة إنتاج الكولاجين في البشرة.
فوائد زبدة الشيا للشعر
- ترطيب الشعر.
- تمنع تكسير وتقصف الشعر.
- تقليل تهيج فروة الرأس.
- زبدة الشيا لترطيب الشعر:
بالنسبة للشعر، العلماء لاحظوا إن زبدة الشيا مرطبة جدًا للشعر وفروة الرأس. ولاقوا إن زبدة الشيا ليها تأثير ممتاز لاصحاب الشعر المجعد. دا لأن زبدة الشيا غنية جدًا بفيتامينات A و E بجانب طبعًا الأحماض الدهنية الأساسية. كل دي مكونات أساسية في أي عملية ترطيب. عشان كدا، وبفضل العناصر المتوفرة في زبدة الشيا، فهي بتعتبر واحدة من أفضل الاختيارات في حالة الرغبة في الترطيب الفعال للشعر خصوصًا للشعر اللي بيتعرض للحرارة. دا غير اللمعان اللي بتوفره للشعر وتقليل بشكل ملحوظ تجعد الشعر.
- زبدة الشيا لمنع تكسير وتقصف الشعر
المتخصيين بيقولوا إن التكوين الزيتي لزبدة الشيا له قدرة عالية جدًا على حماية وترطيب الشعر وحمايته من التكسر والتقصف اللي بتعتبر واحدة من أكتر المشاكل المزعجة للستات.
- فوائد زبدة الشيا في تقليل تهيج فروة الرأس
عرفنا إن زبدة الشيا لها قدرة على تقليل التهاب البشرة ولها نفس التأثير على فروة الراس، وبتعتبر واحدة من الاختيارات الطبيعية لمعالجة النوع ده من الإصابة من غير ما تسد مسام فروة راسك. وأفضل حاجة فيها إنها منتج آمن ممكن تستخدميه بأمان على كافة أنواع الشعر حتى الشعر الجاف والتالف أو حتى المصبوغ.
علشان كدا وكنصيحة حاولي تختاري منتجات فيها زبدة الشيا لتقوية ألياف الشعر ومقاومة التجعد والحصول على بشرة أفضل.
المصادر:
موقع healthline
موقع thankgoditsnatural
