محتويات المقال
جرت العادة عند المصريين في وقت الأزمات إنهم يخرجوا نفسهم من خزان الأحزان اللي هما فيه بأي طريقة، سواء بقا الأكل وخير مثال هو المحشي: حمامة معدية أما أقوم احشيها، فلفل مش هيخسّر، حتى البصل مسلمش من تحت ايدينا وحشيناه D: السلاح الفتاك التاني اللي دايمًا بنلجأ له وقت الأزمات هو الضحك والنكتة، يعني في عز ما أحنا كمصريين بنعيش أغرب سنة في حياتنا في وقت الكورونا والحجر الصحي والحظر بنلاقي الكوميكس والافيهات ومؤخرًا الصفحات المميتة من الضحك زي صفحة التوحيد والنور.. طيب ليه الصفحة دي اتشهرت أوي في مدة قليلة كده وهل دي صفحتهم الرسمية ولا لأ.. تعالوا نشوف مع بعض إيه الحكاية
قنبلة فاشون
الفاشون اللي بينزل على الصفحة جديد ومقنع ويغريك تشتري، يعني هتلاقي عبيان (جمع عباية في عالم موازي) ومش أي عبايات دي عبيان فدوى البرنس يا عمممررررري
ماركنتج جولز
الماركتنج عميق عندهم وبيغري الناس إنها تشتري السبت الدنتلا بـ 135 بدل من 130 جنيه
غير الكتاشي اللي بلنض بتنور اللي بترزعيها تنور D:
والماركتنج مش بيقتصر بس إنه يغريك تشتري، ده كمان بيضمنلك خدمة ما بعد البيع وضمان البجامات اللي بتقعد 14 سنة من غير ما تكش ولا تغير لون D:
قاموس جديد في عالم الفاشون
الكومبتشينز
ودي كانت جولة بسيطة في صفحة التوحيد والنور ولزم التنويه انكم لازم تقروا التعليقات بتاعت الناس اللي هتاخدكم في عالم تاني خالص من الكوميكس.. شكرًا أدمن الصفحة والله إنك دخلت الضحكة في قلبي كل يوم لما العيال تنام وافتح الصفحة كل يوم واقرا واضحك الاهانة اللي بنعيشها كأم في زمن الكوفيد-19 من غير حضانات ولا فسحات (بلغة التوحيد والنور)
ملحوظة مهمة:
دي الصفحة الرسمية للتوحيد والنور وطبعًا الصفحة اللي اتكلمنا عليها للفكاهة والضحك البرىء فقط D:
