من أكتر الأطباق اللي بنحب نطلبها في المطاعم هي الأكلات اللي بتحتوي على لحمة الستيك، بيعملوها مزبوطة وشهية جدًا وبتكون تغيير حقيقي عن ستايل أكل البيت.
وعلشان الشيف أسماء درويش بتقدم لنا دايمًا الأكلات المميزة واللي أغلبنا بيحبها، هتعمل لنا بالفيديو وصفة الفيليه تشيز ستيك، وهتقولك المقادير قبل ما تتفرجي على الفيديو:
المكونات:
- شريحة ستيك ريب آي وزن ١٥٠-٢٠٠ جرام.
- ملح وفلفل حسب الرغبة.
- ١معلقة صغيرة أوريجانو أو زعتر.
- ١ معلقة كبيرة زيت زيتون.
- ١ معلقة كبيرة زبدة.
- ١/٤ كوب صويا صوص.
- ١ ثمرة فلفل أخضر مقطع شرايح.
- ١ بصلة مقطعة شرايح.
- ٢٠٠ جرام مشروم مقطع شرايح.
- ١/٤ كوب جبنة شيدر مبشورة (أو أي نوع جبنة قابلة للذوبان).
للتقديم:
- عيش طري محمص في قليل من الزبدة.
- شيبسي أو بطاطس مقلية.
مستنيين رأيك بعد ما تجربي الوصفة سواء قدمتيها بعيش أو مع أي طبق جانبي تاني من اختيارك.
