تحضير شنطة الولادة لفصل الخريف والربيع

تحضير شنطة الولادة بيكون له فرحة كبيرة، وبتزيد الفرحة لما تكون أول ولادة وبتستعدي لإستقبال أول بيبي ليكي. فترة التحضيرات قبل الولادة بتكون كلها سعادة وترقب. وعشان كده، لازم تعملي قايمة بأساسيات شنطة الولادة ليكي والمولود. في المقال ده، جمعنا لك قايمة بأهم العناصر اللي لازم تبقى متوفرة في شنطة الولادة الخاصة بفصل الخريف والربيع.

 

 

أساسيات شنطة البيبي للمستشفى

 

يعتبر فصل الربيع والخريف من الفصول اللي بيكون فيها متقلب إلى حد ما، وبالرغم من إن فصل الربيع والخريف بيكون فيهم درجة الحرارة متوسطة، لكن ساعات بيحصل تقلبات جوية وبعض العواصف الترابية اللي لازم تبقي عاملة حسابها وانتي بتحضري احتياجات البيبي في الشنطة زي:

 

1. عدد 3 شايات للبيبي (فانلات داخلية)
2. عدد 3 سالوبت بكم ويفضل إنها تكون مصنوعة من القطن التقيل أو القطيفة الناعمة المناسبة لبشرة البيبي الحساسة.
3. عدد 2 جاكت خفيف في حالة برودة الجو.
4. جوانتي وطاقية قطن للبيبي.
5. كوفرتة قطنية.
6. بطانية تقيلة.
7. فوطة شاور ناعمة للبيبي.
8. حلق طبي لو البيبي بنت.
9. القماط أو Swaddle لو حابة تستخدميه.
10. فوط قشط قطنية.
11. بامبرز حديثي الولادة.
12. كريم حفاض.
13. شامبو للبيبي.
14. وايبس مناسب للرضع.
15. ببرونة.

 

اعرفي أفضل عربيات خفيفة للبيبي من هنا

 

تجهيز شنطة الولادة للأم عند الولادة في المستشفى

 

1. عدد 2 بيجاما أو قميص نوم بكم مناسب للرضاعة.
2. جاكت أو روب.
3. عدد 3 شراب.
4. حمالات صدر مناسبة للرضاعة.
5. ملابس للخروج.
6. طرحة أو اسدال للمحجبات.
7. سليبر.
8. فوطة وجه وبشكير خاص بيكي.
9. كافر للرضاعة.
10. فرشاة للشعر وتوك.
11. فوط النفاس.
12. فرشة ومعجون سنان.
13. مكياج.
14. مزيل عرق.
15. شامبو وشاور جيل.
16. شاحن موبايل.
17. كاميرا.
18. كحول.
19. كمامات.

 

أفضل أنواع الفوط الصحية لبعد الولادة

 

مستلزمات مهمة بعيدًا عن شنطة الولادة

 

بعد ما حضرتي شنطة الولادة، هتحتاجي كمان تحضري بعد الأساسيات اللي مش هينفع تتحط في الشنطة زي:

• الكاريكوت: وده بيبقى زي سرير صغير جدًا ضهر البيبي بيكون مفرود عليه بالكامل وله يد تقدري تشيليه منه، وكمان له زي شمسية لحماية البيبي من الأتربة والشمس.
• الكارسيت: عشان تقدري تحطي البيبي في آمان في العربية، يفضل إنك تستخدمي الكارسيت لإنه بيكون أمان وبيحافظ على سلامة البيبي في العربية، بس لازم تتأكدي من إن النوع اللي هتستخدميه مناسب لضهر البيبي ومناسب من عمر يوم.

 

 

تجهيز شنطة الولادة في فصل الصيف