صور نقش حناء ناعم .. لو بتحبي الحنة

أغلب العرايس لما تحب تتدلع وتظهر في فرحها بشكل جميل بيستخدموا رسومات الحنة، مش بس كده ده كمان رسومات الحنة بقا ليها إحتفال وسهرة للعروسة مع صحابها البنات فقط بيحتفلوا بليلة العروسة الكبيرة وتيجي ست متخصصة عشان تعمل رسومات حنة.. الحنة تعتبر من عاداتنا وتقاليدنا وبقت رمز لزينة الست ودلعها ورقتها ومش بس كده، لما بنحب نوصف دلع بنت بنقول عليها “دي على رجليها نقش الحنة” ، وميزة الحنة إنها مؤقتة مش دايمة فلو بتحبي رسومات الحنة ممكن تغيري شكلها كل شوية.. مؤخرًا ظهر رسومات حنة وألوان جديدة منها زي البني الفاتح والبرتقالي والأبيض والدهبي.. لو بتحبيها ونفسك تعملي رسومات جديدة أو لو إنتي عروسة جديدة وفرحك قرب، في الموضوع ده هتلاقي صور كتير لرسومات حنة ممكن تعمليها، بس بنفكرك تخلي بالك لو بشرتك حساسة من الحنة عشان ميحصلش فيها إلتهابات.