في ظل الحظر المنزلي الصحي بسبب فيروس الكورونا وفي ظل إغلاق الكوافيرات، ففكرنا إننا مش لازم نعتمد علي صالونات التجميل في قص الشعر وبما إننا زهقانين وبنحب التغيير طول الوقت، فقولنا ليه منتعلمش طريقة قص الشعر في المنزل ، لأن دي مهارات حياتية لازم نكون بنعرفها زي مثلا نجرب نعمل إزالة شعر وشنا بالفتلة في البيت. لإنها مش بس مهارات حياتية رفاهية، دي بقت ضرورة في الوقت اللي احنا موجودين فيه في البيت والكوافيرات قافلة، إننا لازم نعمل شعرنا في البيت. عشان كده النهارده، جمعنا لك مجموعة من الفيديوهات اللي هتعرفك طريقة قص الشعر في المنزل بنفسك بأنواع مختلفة من قصات الشعر بدل ما تقصيه غلط وتندمي.
قبل ما تبدأي، هتلاقي في الفيديو ده كوافير هو بنفسه قعد في البيت في الحظر هو كمان وبيقول لك شوية نصايح وكمان بيقول لك إزاي تقصي شعرك في البيت بطريقة مبسطة لأنه بيستخدم موديل وباروكة ملونة عشان يسهّل التعلم.
أما في الفيديو ده، فهتلاقي بنت مش بس بتشرح لك إزاي تقصي شعرك، إنما كمان هي بتقص شعرها بنفسها قدامك عشان تعرفي إزاي تقصي شعرك بحيث يكون متساوي
ممكن تشوفي هنا هل فرد الشعر بالكيراتين آمن أثناء الحمل؟
وفي الفيديو ده، هتشوفي بنت بتشرح لك وبرضه بتقص معاكي شعرها بنفسها عشان تحصل على شعر مدرج
نتمنى لك قصة شعر مثالية وجميلة وتعجبك.
