زيت الأرجان من الزيوت اللي انتشر اسمها في الفترة الأخيرة، واللي كتّر الكلام عن فوائدها العظيمة للصحة ولجمال البشرة والشعر، بينمو من شجرة اسمها الأرجان موجودة في المغرب. المميز في زيت الأرجان إنك تقدري تستخدميه بشكل مباشر: بمعنى تقدري تحطيه على بشرتك أو على شعرك أو حتى تتناوليه في نظامك الغذائي زي زيت الزيتون. وبييجي كمان في شكل كبسولات شبيهة بكبسولات الأوميجا 3 كمكمل غذائي مفيد لصحتك. تعالي نتعرف بشكل مفصل إيه الفوائد اللي تقدري تاخديها من زيت الأرجان.
فوائد زيت الأرجان
- يحمي من أضرار الشمس:
من الاستخدامات الأساسية لزيت الأرجان هو إنه وسيلة حماية من أضرار التعرض للشمس. خصوصًا في بلادنا العربية اللي بنتعرض فيها للشمس باستمرار. والسبب إن زيت الأرجان بيحتوي على فيتامينات ومضادات للأكسدة بتحمي البشرة من المواد السامة اللي بتتولد في الجسم، وبسبب قدرته على المدى البعيد على حماية البشرة من مرض سرطان الجلد.
- مرطب للبشرة:
السبب الرئيسي لانتشار زيت الأرجان هو قدرته العالية على الترطيب، وكلنا عارفين إن السر الأساسي لحماية البشرة والحفاظ عليها في أفضل حالتها هي الحرص المستمر على ترطيبها مهما كان نوعها. المميز في زيت الأرجان هو غناه بفيتامين E واللي بدوره بيحسّن من قدرة الشعر أو الجلد في حالة استخدامه على الاحتفاظ بالمياه وبالتالي استمرار ترطيبه.
- بيعالج التهابات الجلد:
من مميزات زيت الأرجان هو مكوناته القادرة على مقاومة الالتهاب لاحتوائه على مواد مقاومة للبكتيريا وبالتالي بيساعد على تقليل أثره. استخدميه مباشرةً على مكان الإصابة مرتين في اليوم وهتلاحظي الفرق على طول.
- مضاد للشيخوخة:
الدراسات الحديثة اللي قامت على مجموعة من السيدات في عمر انقطاع الطمث إن بتناولهم مكملات غذائية بتحتوي على الأرجان مع استخدامه بشكل موضعي أو بمعنى آخر مباشر على البشرة كان له تأثير فعال جدًا على زيادة مرونة الجلد وعودة الحيوية له مرة تانية.
- بيمنع أو بيقلل من علامات التمدد:
علامات التمدد بتيجي في فترات الحمل وبتيجي مع زيادة الوزن، وفيه ناس بتيجي معاهم بحكم النمو وزيادة الطول والحجم. بس الخبراء وجدوا إن زيت الأرجان باستخدامه بشكل مباشر على البشرة بيديها مرونة عالية جدًا وقدرة ممتازة على التمدد والانكماش من غير علامات أو حتى بتقلل من آثارها في حالة إنها موجودة. يعني منتج طبيعي وآمن مع نتيجة فعالة.
زيت الأرجان له فوائده أساسية وبتنافس زيت الزيتون، حلو على البشرة والشعر وطعمه حلو على السلطة أو الجبنة. مفيد وآمن حتى على الأطفال. بس زي ما بنقول لك دايمًا: ما تتحمسيش لاستخدام أي منتج طبيعي من غير إجراء اختبار الحساسية للجلد، لأن فعليًا مفيش أي منتج مهما كانت شهرته ينفع مع الجميع. ولو بتتناولي أي دواء، استشيري طبيبك قبل إدخال أي روتين جديد على بشرتك أو غذائك.
