محتويات المقال
أيام الويك اند مبتبقاش عادية وخصوصًا للأطفال اللي بيبقوا مستنيين ماما وبابا يخلصوا شغل ويفسحوهم، في الأيام دي بنقعد ندور على أماكن مناسبة تقدري تخرجي فيها مع عيلتك وفي نفس الوقت تبقى مناسبة للأطفال عشان يقدروا يلعبوا ويقضوا وقت لطيف من غير زن ولا فرهدة. ولو إنتي من السعودية هنقولك على أماكن ترفيه مناسبة للأطفال تقدري تخرجي فيها معاهم.
أماكن ترفيه وخروج للأطفال في السعودية
1- ملاهي سفوري لاند
2- Sparly’s Middle East
3- Kiddzdom
4- الشلال
5-كيدزانيا جدة
6- بيلي بيز السعودية
7- مدينة الثلج
8- تشكي تشيز
9- Toy Town KSA
10- حديقة الحيوان
ملاهي سفوري لاند
تقدري تروحي سفوري لاند مع ولادك وهيستمتعوا بركوب اللعب المختلفة وكمان فيه وجبات مخصصة للأطفال. الملاهي متواجدة في أماكن مختلفة وتقدري تتعرفي عنها أكتر من خلال اللينك ده.
Sparky’s Middle East
سباركيز مكان ترفيهي للصغار وبيقدملك عروض كتير للألعاب وكمان بيكون فيه فعاليات تعليمية كتير، تابعيهم على صفحتهم الرسمية عشان تعرفي تفاصيل أكتر.
Kidzzdom
المكان موجود في الحياة مول بالرياض ومناسب لكل الأعمار وممكن تستمتعي بأنشطة مختلفة مع ولادك وكمان تستمتعي بوجبات للكبار والصغار، ادخلي هنا على صفحتهم الرسمية عشان تعرفي تفاصيل أكتر عن المواعيد والأسعار.
الشلال
المكان موجود بجدة ومناسب لكل الأعمار، المكان بيقدم خدمة مميزة جدًا للسيدات وممكن تروحي تستمتعي مع صحباتك في يوم مخصص فقط للسيدات في خصوصية تامة.
لينك الصفحة: شلال بارك
كيدزانيا جدة
كيدزانيا بتكون تجربة ممتعة جدًا للولاد لانهم بيجربوا يشتغلوا في مهن مختلفة زي الطبيب والمهندس والطيار وغيرهم كتير من الألعاب الممتعة الموجودة في المكان.
بيلي بيز السعودية
بيلي بيز متواجد فيها مجموعة متنوعة من الالعاب والأنشطة المختلفة اللي ولادك هيستمتعوا بوقت لطيف فيها، ممكن تتعرفي أكتر عن الاسعار والعنوان من خلال صفحتهم الرسمية.
مدينة الثلج
المكان هنا مختلف وجديد عشان كله ثلج وألعاب مختلفة زي لعبة الدونتس ولعبة كرات التصادم وكل ده في أجواء شتوية وفيها تلج، ممكن تتعرفي أكتر عن المكان والأسعار من هنا.
تشكي تشيز
لو عايزة تاكلي إنتي وعيلتك في مكان مناسب للأطفال، تشكي تشيز هيكون مناسب جدًا ليهم لانه بيكون فيه موجود منطقة ألعاب ترفيهية كل الولاد بيعشقوها.
Toy Town KSA
منطقة ترفيهية كلها ألعاب وأنشطة مختلفة ممكن تودي ولادك فيها وهيقضوا وقت لطيف، ممكن تعرفي معلومات أكتر من هنا.
حديقة الحيوان
لو عايزة ولادك يتعرفوا أكتر عن الحيوانات، ممكن توديهم حديقة الحيوان في حي الملز في الرياض عشان يتفرجوا عليها وكمان تستمتعي المساحات الخضرا الواسعة.
